UFC prezidenti Rahmonov va mag'lubiyat nimaligini bilmay kelayotgan nokautchi o'rtasidagi jang haqida bayonot berdi

Dana Rahmonov hamda ekvadorlik Maykl Morales (19-0) o'rtasidagi ehtimoliy jang haqidagi malumotlarga izoh berdi.

— Hozir internetda Maykl Morales va SHavkat Rahmonov o'rtasida ko'plab tortishuvlar ketmoqda. Promoushenning ushbu jangni 2027 yilda tashkil etish rejasi bormi?

— Balki, balki. Aslida, bizda hozir kecha muhokama qilganimiz ko'plab ajoyib ishlar ustida ish ketmoqda. Ha, bizni ko'plab yaxshi elonlar kutmoqda. Bu yilning oxiri aql bovar qilmas darajada bo'ladi va keyin, bilasizmi, bu yil qanday o'tganini va uning finali qanday bo'lishini hisobga olsak, bizda yanvar va fevral oylari ham ajoyib o'tadi, deb o'ylayman.

Avvalroq Morales video elon qilib, unda Rahmonovni hurmat bilan "divizionning yakuniy bossi" deb atagan va u bilan jang qilish istagini bildirgan edi. Qozog'istonlik jangchi esa bunga o'zining TikTok sahifasida "19-0 vs 19-0" yozuvi tushirilgan qiziqarli tizer bilan javob qaytardi. Amerikalik insayder Ruben Karter birinchi bo'lib, mag'lubiyat nima ekanini bilmay kelayotgan ushbu yarim o'rta vazn toifasi vakillari o'rtasidagi jang 2027 yilning 30 yanvar kuni Torontoda bo'lib o'tadigan UFC 336 turnirining uchinchi eng muhim jangi sifatida muhokama qilinayotganini yozgan edi.