28 may 11:55
Yangiliklar

Boks/MMA

UFC SHara Bulletga debyut jang belgiladi

Teglar : SHara Bullet

U UFC promoushenidagi ilk jangini BAA poytaxti Abu-Dabi shahrida o'tkazadigan bo'ldi.

Rossiyalik aralash yakkakurash ustasi, SHara Bullet nomi bilan tanilgan SHarabutdin Magomedov shu yil oktyabr oyida Abu-Dabida o'tkaziladigan UFC 294 turnirida oktagonga ko'tariladi. Bu malumotni uning murabbiyi Gor Azizyan ham tasdiqladi.

"Jang qachon? Oktyabr oyida, Abu-Dabida. Hozircha raqib ism-sharifini ayta olmayman, lekin top darajadagi jiddiy jangchi. SHara tez orada UFC chempioni bo'ladi. Men bu haqda to'rt yil avval aygandim, hozir yana takrorlayman. Bu faqat mening fikrim emas", — dedi murabbiy.

Eslatib o'tamiz, SHara Bullet o'tgan yilning dekabr oyida UFC bilan shartnoma imzolagan edi. U o'rta vazn toifasida o'z janglarini o'tkazadi. Uning hisobida 11 ta g'alaba bor.