UFC SHara Bulletga raqib berdi

Aslida SHara Bullet 22 iyun kuni Saudiya Arabistoni poytaxti Ar-Riyod shahrida tashkil etiladigan UFC on ABC 6 turnirida ukrainalik Igor Poteryaga qarshi oktagonga chiqishi kerak edi. Lekin Poterya jarohat olgani sababli ushbu jang bekor qilingandi. SHunday bo'lsa-da, UFC Bulletni turnir kardida saqlab qolishga muvaffaq bo'ldi.   

Endi SHarabutdin germaniyalik Joilton Lutterbaxga qarshi oktagonga chiqadi. Bu olmon aralash yakkakurash ustasi uchun UFC ligasidagi debyut jang bo'ladi. 31 yoshli Joilton Lutterbax 2011 yildan beri MMAda bo'lib, shu kungacha jami 48 ta professional jang o'tkazib, 38 g'alaba, 9 mag'lubiyat qayd etgan. Yana bir jangi esa o'tkazilmagan deb topilgan. 

Darvoqe, Joilton 2019 yilda JAR vakili Drikus Dyu Plessi bilan KSW baneri ostidagi turnirda o'zaro to'qnash kelgandi. Plessi hozirda amaldagi UFC chempioni hisoblanadi. O'sha jangda Dirkus ikkinchi raundda texnik nokaut evaziga Lutterbaxni mag'lubiyatga uchratgandi. Germaniyalik sportchi hozir 4 ta g'alabali seriya bilan kelmoqda. 

Mag'lubiyat nimaligini bilmay kelayotgan 30 yoshli SHarabutdin Magomedov esa o'tgan yilning oktyabr oyida UFC promoushenida muvaffaqiyati debyut qilgandi. U uch raund to'liq davom etgan jangda hakamlarning yakdil qarori bilan M-1 chempioni Bruno Silvadan ustun kelgandi.