UFC Tom Aspinallning maqomini tasdiqladi

UFC rahbari britaniyalik jangchi tashkilotning amaldagi chempioni bo'lib qolishi va sog'lig'i to'liq tiklangach, oktagonga qaytishini malum qildi. Aspinallning tashkilotdan ketishi haqidagi mish-mishlarga uning zarba berish texnikasi bo'yicha murabbiyi Stipe Drvis sabab bo'ldi. U ijtimoiy tarmoqdagi jonli efir vaqtida shogirdi endi UFC bilan hamkorlik qilishni istamasligini aytib o'tgandi.

"U sog'aygach qaytadi. Tom hech qaerga ketmayapti, u biz bilan. Tom Aspinall bilan munosabatlarimiz joyida. Uning murabbiyi bunday gapni aytganidan xabarim yo'q edi, lekin bu, shubhasiz, yolg'on. Tushunishimcha, Tom allaqachon barchasiga oydinlik kiritib bo'lgan. SHunday ekan, hammasi joyida. U tiklanib, jang qilishga tayyor bo'lganida, u oktagonga qaytadi va kamarini himoya qiladi", — dedi tashkilot prezidenti "Spinnin Backfist"ga bergan intervyusida.

SHuningdek, Uayt Aspinallning promouter Eddi Xirn bilan hamkorligi yil oxirigacha rejalashtirilgan Siril Ganga qarshi jangni tashkil etishda qiyinchilik tug'dirishi mumkinmi, degan savolga ham javob berdi.

"Yen Gerri ham u bilan ishlaydi va u yaqindagina jang qildi. Yo'q, bu hech qanday xalaqit bermaydi", — deb ishontirdi Uayt.

Avvalroq Tom Aspinall murabbiyining ketish haqidagi bayonotini rad etib, oktagonga qaytish bo'yicha liga bilan har kuni muzokaralar olib borayotganini tasdiqlagan edi.