Uilyams va Kerber WTA Yakuniy turniridagi ishtiroklarini kafolatlashdi

Bu ikki tennischining Cincinatti turniridan so'ng Yakuniy turnirda qatnashishlari aniq bo'ldi. Kerber aynan Cincinatti turnirida dunyoning birinchi raqamli tennischisi bo'lib olish imkoniyatidan foydalana olmadi. U final uchrashuvida chexiyalik Karolina Plishkovaga yutqazib qo'ygandi.

Eslatib o'tamiz, Serena Uilyams va Anjelik Kerber joriy mavsumda “Katta Dubulg'a” turkumiga kiruvchi ikkita turnirning finalida o'zaro to'qnash kelishgandi. Australian Open turnirida Kerber, Uimbldon musobaqasida esa Uilyams bosh mukofotni qo'lga kiritgan edi.