Uimbldon. Dunyoning birinchi raketkasi mag'lub etildi

Biroz kutilmaganda dunyoning birinchi raketkasi Yannik Siner musobaqadagi ishtirokini 1/4 finalda yakunladi. Reytingning beshinchi pog'onasida borayotgan rossiyalik Daniil Medvedev roppa-rosa 4 soat cho'zilgan besh setlik uchrashuvda italiyalik nomdor raqibini mag'lub etishni uddaladi - 6/7(7), 6/4, 7/6(4), 2/6, 6/3.

Medvedev 1/2 finalga chiqish barobarida Sinnerdan qabul qilib olingan 5 ta mag'lubiyatdan iborat noxush seriyaga ham yakun yasadi. Tennischilarning o'zaro uchrashuvlaridagi hisob Daniil foydasiga bo'lib turibdi - 7:5. Medvedev 15, Sinner 17 ta eys zarbasini amalga oshirgan. Ikkala tennischi ham 3 tadan breykka erishgan. Qo'shxatolar rus tennischisida ko'proq bo'ldi - 11 ga 4! 

Daniil Medvedev faoliyatida to'qqizinchi marotaba "Katta Dubulg'a" turnirlarining yarim finalida o'ynaydi. U o'tgan yili ham Uimbldon turniri yarim finaliga etib kelgandi.