01 iyu 11:05
Yangiliklar

Tennis

Uimbldon. Rafael Nadal yana to'rt setlik uchrashuv o'tkazdi

London shahrida "Katta Dubulg'a" turkumiga kiruvchi "Uimbldon" turniri davom etmoqda.

Dunyoning to'rtinchi raketkasi Rafael Nadal musobaqaning ikkinchi davrasida ATP reytingida 106-pog'onadan joy olib turgan Richardas Berankisga qarshi kortga chiqdi. Uch soatu 2 daqiqa davom etgan bahsda Nadal raqibini 6/4, 6/4, 4/6, 6/3 hisobida mag'lubiyatga uchratdi.

Tennischilar o'rtasidagi o'zaro uchrashuvlarda Rafa ikkinchi g'alabasini tantana qildi - 2:0. Bu ispaniyalik uchun "Katta Dubulg'a" turnirlari doirasida ketma-ket qo'lga kiritilgan 16-g'alabali uchrashuv bo'ldi. Endi Nadal uchinchi bosqichda italiyalik Lorenco Sonegoga qarshi kortga chiqadi.