28 iyu 16:51
Yangiliklar

Tennis

Uimbldon turniriga qura tashlandi. Istominning raqibi 49-raketka!

"Katta Dubulg'a" turkumiga kiruvchi Uimbldon turnirining erkaklar o'rtasidagi musobaqasi asosiy to'riga qura tashlash marosimi bo'lib o'tdi.

Avval xabar berganimizdek, asosiy to'r bahslarida hamyurtimiz Denis Istomin ham ishtirok etadi. Mamlakatimizning birinchi raketkasi qura natijasiga ko'ra ilk davrada britaniyalik Kemeron Norriga qarshi kortga chiqadigan bo'ldi.

Taqqoslash uchun, ayni paytda Denis Istomin ATP reytingida 109, Norri esa 49-o'rinni egallab turibdi. Tennischilar shu kungacha o'zaro uchrashishmagan. Istomin - Norri bahsi g'olibi ikkinchi davrada katta ehtimol bilan yaponiyalik Kei Nishikoriga qarshi kortga chiqadi. Kei birinchi bosqichda saralash turniri g'oliblaridan biri Monteyroni sinovdan o'tkazadi.