15 iyu 11:22
Yangiliklar

Tennis

Uimbldon turnirining aralash juftlik bahslarida chempionlar malum

London shahrida yakuniga etgan tennis bo'yicha "Katta Dubulg'a" turkumiga kiruvchi Uimbldon turnirining mikst, yani aralash juftlik bahslarida ham g'oliblar aniqlandi.

Musobaqa bosh sovrini polshalik Yan Jelinski va Xitoy Taypeyi vakilasi Se Su-Veyga nasib etdi. Ular birgalikda bu yilgi mavsumda ikkinchi "Katta Dubulg'a" turniri chempionligini qo'lga kiritishdi.

Yan va Se final uchrashuvida meksikalik tennischilar - Santyago Gonsales va Gilyana Olmos juftligini ortiqcha qiyinchiliksiz mag'lubiyatga uchratishdi - 6/4, 6/2. Final bahsi 77 daqiqa davom etgan.

Jelinski va Su-Vey 130,000, Gonsales hamda Olmos esa 65,000 funt sterling miqdoridagi mukofot puliga ega chiqdi.