Ular Olimpiadaga borishadi - Anastasiya Serdyukova!

Bugungi qahramonimiz badiiy gimnastika bo'yicha O'zbekiston terma jamoasi azosi Anastasiya Serdyukova.

Anastasiya Serdyukova – 1997 yilning 29 may kuni Toshkent shahrida dunyoga kelgan. Badiiy gimnastika bilan 6 yoshidan shug'ullanadi. Qiska fursat ichida aytishga arzigulik yutuqlarni qo'lga kiritgan. Jumladan, poytaxtiizda ananaviy tarzda o'tkazib kelinadigan “Happy Caravan” musobaqasida bir necha marotaba g'olib va sovrindorlar safidan joy olgan.

2014 yili nufuzli “Marina Kap” turniri g'olibi bo'lgan. Aynan shu yili Janubiy Koreyaning Incheon shahrida bo'lib o'tgan Osiyo o'yinlarining jamoaviy bahslarida O'zbekiston terma jamoasi tarkibida oltin medalga sazovor bo'ldi. O'tgan yili Moskvada o'tgan Gran-pri turkumiga kiruvchi xalkaro turnirda bronza medali bilan taqdirlandi. Osiyo chempionatining jamoaviy bahslarida qita chempioniga aylandi. Xalka va tasmada bajarilgan bahslarda esa kumush medal egasi bo'ldi.

Braziliyaning Rio-de-Janeyro shahrida XXXI yozgi Olimpiya o'yinlarining yo'llanmalari o'ynalgan musobaqada muvaffaqiyatli tarzda ishtirok etib, Rio-2016 o'yinlariga licenziyani qo'lga kiritdi. Dunyoning ko'plab etakchi badiiy gimnastikachilari ishtirokida o'tgan ushbu nufuzli musobaqaning shaxsiy hisobdagi bahslarida istedodli sportchimiz kuchli beshlikdan o'rin egalladi. Bu bilan u to'rt yillikning eng yirik sport musobaqasida qatnashish huquqiga ega bo'ldi.

Olimpiadaga yo'llanma olgan barcha sportchilarimiz qatori badiiy gimnastikachimiz Anastasiya Serdyukovaga ham bo'lajak olimpiya o'yinlarida muvaffaqiyatli ishtirokni tilab qolamiz.