Umar Nurmagomedov jarohat orttirib oldi

Buning natijasida UFC reytingida ikkinchi o'rinni egallab turgan Nurmagomedov yanvar oyida oktagonga chiqa olmaydi. Bu haqda uning o'zi ijtimoiy tarmoqdagi sahifasida xabar berdi.  

"Qo'limni sindirib oldim. Yanvar oyida oktagonga chiqa olmayman. Hozir jarohatim ancha yaxshi. Tez orada hamma takliflarni qabul qilishga tayyor bo'laman", - dedi Umar. 

Umar Nurmagomedov uch hafta avval yanvar oyida xitoylik Song Yadong yoki divizionning amaldagi chempioni Merab Dvalishviliga qarshi oktagonga chiqishga tayyor ekanini aytgan edi. O'z o'rnida gruziyalik chempioni 8 mart kuni Las-Vegasdagi UFC 313 turnirida kamarini himoya qilishini malum qilgandi. U keyingi raqibi sifatida sobiq chempion Petr Yanni ko'rish istagida ekanini aytgan edi. Yan o'tgan hafta braziliyalik Deyveson Figeredoni mag'lub etib, chempionlik jangi uchun yaxshi imkoniyatga ega bo'lib olgandi.