Umid Ahmadjonov La liga vakillari bilan uchrashdi

Ana shu kelishuvga asosan La liganing “Osiyo davlatlari bilan aloqalar” bo'limi boshlig'i Xais Raxmani va “Musobaqalar va turnirlar tashkil qilish” bo'limi boshlig'i Raul Oxedalar yurtimizga tashrif buyurishdi.

Bugun Milliy olimpiya qo'mitasi prezidenti Umid Ahmadjonov La liga bo'lim boshliqlari bilan uchrashdi.

Uchrashuv davomida Umid Ahmadjonov ispaniyalik mutaxassislarni yurtimizda ko'rishdan xursand ekanini takidlar ekan, o'zbek futboli rivoji yo'lida Ispaniya tajribasini o'rganish asosiy maqsad ekanini aytib o'tdi. Bu maqsadni amalga oshirish uchun La liga tomonidan yurtimizga mutaxassislarni jalb qilish, ular tomonidan seminarlar tashkil qilish, O'zbekiston futbol associaciyasi xodimlariga ish faoliyatini yo'lga qo'yish borasida amaliy maslahatlar zarurligini aytib o'tdi.

O'z o'rnida La liga bo'lim boshliqlari o'zbek futboli rivojiga hissa qo'shishga, mutaxassislarni O'zbekistonga yuborib, turli seminarlar tashkil qilish va tajribalari bilan o'rtoqlashishga tayyor ekanini malum qildi.

Xais Raxmani va Raul Oxedalar O'zbekiston futbol associaciyasi va Professional futbol ligasi vakillari va milliy chempionatimizda ishtirok etayotgan klublar xodimlari uchun seminar o'tkazishadi.

Seminarda milliy chempionat o'yinlarini tashkil qilishda ahamiyat qaratish kerak bo'lgan jihatlar, marketing masalalari, homiylar bilan ishlash, muxlislarni stadionlarga jalb qilish kabi mavzularda fikr almashilinadi.

Ispaniyalik mehmonlar bugun Superliganing 13-turi doirasida «Paxtakor» stadionida bo'lib o'tadigan «Paxtakor» hamda «Bunyodkor» jamoalari o'rtasidagi poytaxt derbisini Umid Ahmadjonov bilan birga tomosha qiladilar.