Umid Ahmadjonov O'zbekiston terma jamoasining yangi bosh murabbiyi haqidagi savolga javob berdi

O'FA vice-prezidenti bilan quradan oldin va keyin suhbatlashib fikrlarini saytimizda chop etdik. SHu o'rinda muxlislarni qiziqtirayotgan yana bir savol bor: bu terma jamoamiz bosh murabbiyi masalasi. Albatta, o'zaro suhbat paytida Ahmadjonovga shu savolni ham bermasak bo'lmasdi.

Umid Mahamadjonovich terma jamoani kim boshqarishi haqidagi savolga shunday javob qaytardi:  

- "Terma jamoamizga kim bosh murabbiy bo'lishi haqidagi savol anchadan beri barchani qiziqtirmoqda. Men bu o'rinda muxlislarimizni juda yaxshi tushunib turibman. Lekin ishqibozlardan yana ozgina sabr qilishlarini so'rayman. Jahon chempionati tugasin, terma jamoamizni Osiyo Kubogiga olib boradigan murabbiy kim bo'lishini hamma bilib oladi".

- "O'zimiz ham o'sha kun kelishini kutyapmiz, lekin hozircha elon qilishga shoshilmay turamiz. Barchasini keyinroq OAV xodimlarini bir joyga yig'ib rasman elon qilamiz. Karlush Keyrush varianti haqidami? Yashirmayman, nomzodlar orasida bu murabbiy ham bor. Men u kishi bilan Dubayda uchrashib gaplashganman. Faqat shuni aytishim mumkin, terma jamoamizning navbatdagi bosh murabbiyi albatta nomi chiqqan, mashhur mutaxassis bo'ladi".

X.Xoliqov, Dubaydan maxsus.