Umid Ahmadjonov Qatar Qirollik oilasi taklifiga ko'ra Dohaga jo'nab ketdi

27 aprel kuni Qatarning ikki etakchi klubi — “As-Sadd” hamda “Al-Duhayl” mamlakatning Valiahd SHahzodasi Kubogi finalida maydonga tushadi. Umid Ahmadjonov Qatar qirollik oilasining taklifiga ko'ra hal qiluvchi bellashuvni faxriy mehmonlar lojasida kuzatib boradi.

Valiahd SHahzoda Kubogi 1995 yildan buyon o'tkazib kelinmoqda. Unda Qatar Yulduzlar Ligasining mavsum yakuniga ko'ra eng kuchli to'rt klubi g'oliblik uchun kurash olib boradi. Qatarning barcha jamoalari ishtirok etishi mumkin bo'lgan kubok musobaqasi esa Amir Kubogi deb nomlanadi.

Rejaga ko'ra, Umid Ahmadjonov Qatar qirolligi oilasidan tashqari, JCH—2022 tashkiliy qo'mitasi rahbariyati bilan ham ko'rishadi.

Qayd etish kerak, 24 fevral kuni Toshkentdagi Hyatt Regency mehmonxonasida o'tgan CAFA kongressiga kuzatuvchi sifatida Qatar futbol associaciyasi prezidenti At-Taniy SHayx Hamad bin Halifa hamda tashkilot bosh kotibi Al-Ansariy Mansur tashrif buyurgandi.