02 jan 16:57
Yangiliklar

Tennis

United Cup. G'alaba ham Avstraliyaga o'z uyidagi turnirda yordam bermadi

"Katta Dubulg'a" turkumiga kiruvchi Avstraliya Ochiq chempionati oldidan Yashil qitada terma jamoalari ishtirokidagi United Cup turniri bo'lib o'tmoqda.

Garchi Avstraliya terma jamoasi guruhning so'nggi bahsida Buyuk Britaniya ustidan g'alabaga erishgan bo'lsa-da, pley-offga chiqa olmadi. Oliviya Gadeki va Aleks De Minaur juftligi britaniyaliklar Oliviya Nikollz hamda CHarlz Brum hamkorligini mag'lub etishdi - 6/3, 7/6(3).

Avstraliya terma jamoasi umumiy 2:1 hisobida g'alaba qozongan bo'lsa ham, pley-offga britaniyaliklar yo'l olishdi. Mezbonlar o'z uylaridagi turnirning guruh bosqichida qolib ketishdi. Bugun Buyuk Britaniya 1/4 finalda Polsha terma jamoasiga qarshi bahs olib boradi.