Universal jang bo'yicha O'zbekiston kubogi musobaqasi boshlandi

Unda Toshkent shahri va viloyatlardan tashrif buyurgan 14 yoshdan 18 yoshgacha va undan katta 500 nafardan ortiq sportchi ishtirok etadi. LIGHT va KLASSIK yo'nalishlarda bo'lib o'tadigan bellashuvlarda sportchilar o'z yosh toifalariga ko'ra 15 dan ortiq vaznda g'oliblik uchun kurash olib boradi.

SHu munosabat bilan bugun poytaxtimizdagi “Universal” sport saroyida musobaqaning ochilish marosimi bo'lib o'tdi. Tadbir O'zbekiston Respublikasi Gender tenglikni taminlash masalalari bo'yicha komissiyasi tomonidan Jismoniy tarbiya va sport vazirligi bilan hamkorlikda tashkil etildi. Tantanali ochilish marosimida so'zga chiqqanlar ushbu sport turi bo'yicha musobaqalar 20 yildan beri o'tkazib kelinayotgan bo'lsa-da, qisqa davr mobaynida ko'pchilikning sevimli mashg'ulotiga aylanganini alohida takidlashdi. SHuningdek, Universal jang sporti insonda matonat, chidamlilik va chaqqonlik kabi xislatlarni tarbiyalashi tilga olindi.

Yurtimizdan Universal jang bo'yicha to'rt karra jahon chempioni Alisher Abdullaev, ikki karra jahon chempioni Jamol Omonov, jahon chempioni Baxtiyor Ahmedov hamda jahon chempionati sovrindori Nodira Kazakova kabi nomdor sportchilar etishib chiqqan.

Malumot uchun, ushbu musobaqa joriy yil 19-25 oktyabr kunlari Ukrainaning Vinnica shahrida bo'lib o'tadigan Jahon kubogi oldidan tayyorgarlik jarayonini o'tab beradi.