“Universal Jumping Agro" xorijlik ekspertlar nigohida

Mazkur guruhga “FEI solidarty" departamenti rahbari Andreina Vidrayxtiger boshchilik qilmoqda.

Mutaxassislarni “Universal Jumping Agro” majmuasi qiziqtirib qo'ydi. So'nggi davrda yirik xalqaro musobaqalarni yuqori saviyada o'tkazayotgan ushbu kompleks jahon standartlariga javob berishi, u erda otlarning yashashi uchun yorug'lik darajasi meyorida ekani va ularga sifatli ozuqalar berilishi, qolaversa, chavandozlar uchun ham barcha qulayliklar yaratilgani takidlandi. 

SHuningdek, Andreina Vidrayxtiger bunday sharoit ot sporti rivojlangan dunyodagi barcha davlatlarda ham mavjud emasligini alohida tilga oldi.

Qayd etish joiz, hozirda majmuaning bazi qismlarida tamirlash ishlari olib borilmoqda. Kompleks to'liq quvvatda ishga tushganidan keyin u erda yanada yuqori darajadagi turnirlarni o'tkazish imkoniyati paydo bo'ladi.