Universiada-2019. Nihoyat oltin medal qo'lga kiritdik

O'yinlarning tennis bo'yicha bahslarida terma jamoamiz azolari O'zbekiston delegaciyasiga oltin medalni tuhfa etishdi. 

Musobaqaning erkaklar o'rtasidagi juftlik bellashuvlarida yurtimiz sharafini himoya qilayotgan Sanjar Fayziev va Humoyun Sultonov finalda Janubiy Koreya vakillari Seochang Xong va Sanxui SHin tandemiga qarshi bahs olib borishdi. 

2 soat 32 daqiqa davom etgan o'yinda tennischilarimiz 7:5, 4:6, 10:5 hisobida g'alaba qozonishdi va Universiadaning oltin medalini qo'lga kiritishdi. 

Bungacha delegaciyamiz hisobida 4 ta bronza medali bor edi.