Universiada-2019. Tennischilarimiz jamoaviy bahslarni g'alaba bilan boshlashdi

Musobaqada tennischilarimizning yakkalik bahslarini muvaffaqiyatli boshlaganidan xabaringiz bor. Ular juftlik bahslarida ham muvaffaqiyatli start olishdi. Humoyun Sultonov va Sanjar Fayziev tandemi ikkinchi davrada tailandlik Kovaritukted hamda Kunsuvanga qarshi kortga chiqishdi.

Keskin va murosasiz o'tgan bahsda tennischilarimiz raqiblarini har ikkala setda bir hil 6:4 hisobida mag'lubiyatga uchratishdi. Bugun Sultonov va Fayziev juftligi chorak final yo'llanmasi uchun bahs olib boradi. Raqib esa - JAR!

Mazkur musobaqaning ayollar o'rtasidagi yakkalik bahslarida qatnashayotgan Komola Umarova uchinchi davra bahslariga kirishadi.