04 dek 13:04
Yangiliklar

Boshqalar

Urganchda avtoko'pkurashchilar bahs yuritishdi

Teglar : Avto

Bugungi kunda diyorimizda bosh qomusimiz - O'zbekiston Respublikasi Konstituciyasining yigirma besh yilligi munosib nishonlanyapti. Ushbu qutlug' sana munosabati bilan joylarda turli tadbirlar bo'lib o'tmoqda.

Jumladan, Urganch shahrida O'zbekiston mudofaasiga ko'maklashuvchi “Vatanparvar” tashkiloti Xorazm viloyat kengashi hamda viloyat texnik va amaliy sport turlari markazi tashabbusi bilan sportning avtoko'pkurash turi buyicha viloyat birinchiligi uyushtirildi. Unda vohaning 16 ta jamoasi ishtirok qildi.
O'z navbatida sportchilar avtoko'pkurash dasturidan o'rin olgan yugurish, pnevmatik miltiqdan o'q otish va engil avtomobilni figurali haydash borasida mahoratlarini namoyish etishdi.

Musobaqaning yakuniy jadvali quyidagicha ko'rinish oldi:

18-25 yoshlilar guruhi.

1-o'rin. Hamid Qodirov(Xorazm viloyat texnik va amaliy sport turlari markazi.
2-o'rin. Farrux Yusupov(SHovot tumani o'quv sport texnika klubi).
3-o'rin. Doniyor Begiev(Hazorasp avtomobil maktabi).

26-35 yoshlilar guruhi.

1-o'rin.Ruslan Jumaboev(Xorazm viloyat texnik va amaliy sport turlari markazi.
2-o'rin. Murod Begiev(Hazorasp avtomobil maktabi).
3-o'rin. Rustam Sobirov (SHovot tumani o'quv sport texnika klubi).

Umumjamoa hisobida Xorazm viloyat texnik va amaliy sport turlari markazi jamoasi birinchi o'rinni egalladi. Ikkinchi o'rin SHovot tumani o'quv sport texnika klubi jamoasiga, uchinchi o'rin Hazorasp avtomobil maktabi jamoasiga nasib etdi.

Ikrom XUDOYBERGANOV