08 sen 07:19
Yangiliklar
Tennis
US Open. Ayollar musobaqasining finalida kutilmagan natija qayd etildi
AQSHning Nyu-York shahrida o'tkazilayotgan "Katta Dubulg'a" turkumiga kiruvchi US Open turniri o'z yakuni sari yaqinlashmoqda.
Musobaqaning ayollar o'rtasidagi bahslarida g'oliba aniqlandi. Hal qiluvchi final uchrashuvida kanadalik 19 yoshli Byanka Andreesku o'zidan ancha tajribali hisoblangan raqibasi, amerikalik Serena Uilyamsga qarshi bahs olib bordi.
Bir soatu 39 daqiqa davom etgan final uchrashuvida sayyoramizning 15-raqamli tennischisi nomdor Serenani 6:3, 7:5 hisobida mag'lub etishning uddasidan chiqdi.
“US Open”dagi g'alaba Byankaga 3 million 850 000 dollar miqdoridagi pul mukofoti hamda 2000 reyting ochkosini taqdim etdi. Andreesku uchun bu "Katta Dubulg'a" musobaqalaridagi birinchi sovrin hisoblanadi.
Havola :
Manba : olamsport.com
Fikrlar