"Uzchess Cup". Bugun 6-turda shaxmatchilarimiz kimlarga qarshi dona surishadi? (Juftliklar)

Mukofot jamg'armasi 166 000 AQSH dollarini tashkil etuvchi musobaqada bugun 6-tur partiyalari o'ynaladi. Bugungi uchrashuvlar ham soat 15:00da boshlanadi. "Masters" guruhida peshqadamlik qilayotgan Nodirbek Yakubboev (2634) qora donalarda serbiyalik Aleksey Sarana (2712)ga qarshi bahs olib boradi. 

O'tgan turda g'alaba qozongan Nodirbek Abdusattorov (2766) xitoylik YU Yang Yi (2715) bilan hisob-kitob qiladi. Javohir Sindarov (2668) bu turni oq donalarda ozarbayjonlik taniqli grossmeyster SHaxriyar Mamedyarov (2734) bilan munosabatlariga oydinlik kiritib oladi.   

"Uzchess Cup". "Masters" guruhi. 6-tur juftliklari

Aleksey Sarana (Serbiya, 2712) - Nodirbek Yakubboev (O'zbekiston, 2634)

Javohir Sindarov (O'zbekiston, 2668) - SHaxriyar Mamedyarov (Ozarbayjon, 2734) 

Aleksandr Grishuk (FIDE, 2719) - Parham Maqsudlu (Eron, 2733) 

YU Yang Yi (Xitoy, 2715) - Nodirbek Abdusattorov (O'zbekiston, 2766) 

Richard Rapport (Ruminiya, 2715) - Vidit Santosh Gujrathi (Hindiston, 2721) 

"Challengers" guruhining 6-turida turnir jadvalida ikkinchi o'rinni egallab turgan SHamsiddin Vohidov (2624) qora donalarda Maksim Matlakov (FIDE, 2657) bilan to'qnash keladi. Yana bir hamyurtimiz Jahongir Vohidov (2580) oq donalarda Abhijit Gupta (Hindiston, 2589) bilan o'ynaydi. Guruh peshqadami, serbiyalik Aleksandar Indjich (2602) esa bu turda oq donalarda germaniyalik Aleksandr Donchenkoga qarshi bahs olib boradi. 

"Futures" guruhida ketma-ket 4 ta g'alabaga erishib, 4,5 ochko bilan yakka peshqadam bo'lib turgan istedodli shaxmatchimiz Muhammadzohid Suyarov (2430) 6-turda ukrainalik Vitaliy Sivuk (2569) bilan uchrashadi. Kuchli uchlikdan joy olgan Muhiddin Madaminov (2517) yana bir hamyurtimiz Humoyun Begmuratov (2429) bilan shaxmat doskasi atrofida yuzlashadi. Saidakbar Saydaliev esa (2448) eronlik Bardiya Daneshvar (2611) bilan qora donalarda o'ynaydi.