"UzChess Cup" turniridan kim qancha mukofot puli ishlab oldi? (+FOTO)

Uchinchi bor tashkil etilgan musobaqaning mukofot jamg'armasi 121 500 AQSH dollarini tashkil etgan bo'lib, g'oliblar "Masters", "Challenger", "Futures" va "Open" guruhlarida aniqlandi. 

Etiborga molik jihati shundaki, "Masters" turnirida Javohir Sindarovning o'rniga qo'shilgan uning sekundant-murabbiyi Muhiddin Madaminov chempionlikni qo'lga kiritdi. U bosh sovrin bilan birga 20 000 AQSH dollari miqdorida mukofot puliga ham ega chiqdi. 

"Masters" turniri chempionligi uchun kechgan tay-brekda Muhiddinga yutqazgan SHamsiddin Vohidov 15 000, uchinchi o'rin sohibi rossiyalik Yan Nepomnyashiy 10 000 dollarga boyib oldi. SHaxriyar Mamedyarov 8 000, Arjun Erigaisi 7 000, 6-o'rin bilan kifoyalangan Nodirbek Abdusattorov 6 000, 7-o'rin sohibi Hans Niemann 5 000, 8-pog'onadan joy olgan Nodirbek Yakubboev 4 000, 9-o'rin egasi Vidit Santosh Gujrathi 3 000, so'nggi pog'onada qolgan Nikolas Teodoru esa 2 000 AQSH dollariga ega bo'ldi.      

Yakunda eng yaqin taqibchisini 2 ochkoga ortda qoldirgan "Challenger" guruhi chempioni ozarbayjonlik Mahammad Muradil 6 000 dollar mukofot pulini qo'lga kiritdi. Hindistonlik grossmeyster Mittal Aditiya 5 000, uchinchi o'rin egasi ruminiyalik Bogdan-Daniel Dik 4 000 AQSH dollari bilan mukofotlandi. Ushbu guruhda 4-o'rinni band etgan hamyurtimiz Muhammadzohid Suyarov 3 000, 7-o'rindan joy olgan Abdimalik Abdisalimov 1 000, oxirgi pog'onada qolgan 700 dollarga ega chiqdi. 

"Futures" guruhida chempion bo'lgan yosh shaxmatchimiz Humoyun Begmuratov 4 000 dollar mukofot pulini o'z hisob raqamiga qo'shib qo'ydi. Bu guruhda reglamentga ko'ra, Top-5`talikdan joy olgan shaxmatchilargagina mukofot puli taqdim etildi.