Vadim Abramov Eldor SHomurodovning "Jenoa"ga o'tishi haqida fikr bildirdi

"Eldor SHomurodov terma jamoa yig'iniga chaqirilgan. Umid qilamanki, u "Jenoa" bilan shartnoma tuzadi va Toshkentga uchib keladi. Hozircha uning kelmasligi haqida gap-so'z bo'lgani yo'q.

Aslida Odil Ahmedovni ham bu yig'inga chaqirmoqchi edim. Biroq koronavirus pandemiyasi tufayli Xitoyga qaytganidan keyin 14 kun karantinda bo'lishi shartligi bois Ahmedovni bu safar chaqirmadik.

Ro'yxatdagi ikki futbolchi hozircha terma jamoaga kelmasligi aniq. "Nasaf" himoyachisi Husniddin Aliqulov kasal, yarim himoyachi Oybek Bozorovda esa jarohat bor ekan.

To'g'risi aytsam bungacha "Jenoa"ni kuzatmas edim. Endi bu jamoa o'yinlarini ko'ramiz va SHomurodovning harakatlariga baho beramiz. Tushunarliki "Jenoa" Italiya futboli etakchisi emas, ammo baribir bu A Seriya. Eldor SHomurodov bu klubda o'ynab keta olishiga ishonchim komil. U erda menimcha hech qanday muammo bo'lmaydi. Umid qilamizki aynan shunday bo'ladi", - deydi Vadim Abramov championat.asia saytiga.