“Vatanparvar” tashkiloti sportchisi Rossiyada g'oliblikni qo'lga kiritdi

Mazkur nufuzli sport musobaqasida 9 ta davlat, jumladan, Rossiya, O'zbekiston, Ozarbayjon, Belarus, Qirg'iziston, Qozog'iston, Tojikiston, Moldova va Armanistondan 14 yoshdan 23 yoshgacha bo'lgan tajribali sportchilar bellashmoqda.

Quvonarlisi, ushbu musobaqaning pnevmatik quroldan o'q otish yo'nalishida O'zbekiston terma jamoasi azosi – O'zbekiston Respublikasi mudofaasiga ko'maklashuvchi “Vatanparvar” tashkiloti Namangan viloyati kengashining o'q otish sporti sekciyasi azosi Muhammad Kamalov faxrli 1-o'rinni egallab, oltin medalga sazovor bo'ldi.

Aytish joiz, bu “Vatanparvar” tashkiloti sportchisining O'zbekiston Respublikasi davlat mustaqilligining 30 yilligiga munosib sovg'asi bo'ldi.

Namanganlik Muhammad Kamalov 2002 yilda tug'ilgan bo'lib, 6 yildan buyon, “Vatanparvar” tashkiloti Namangan viloyati kengashining o'q otish sporti sekciyasida Muhabbat Kondakova va Vadim Kondakov murabbiyligi ostida shug'ullanib kelmoqda. Yosh sportchi bir necha marotaba respublika va xalqaro musobaqalarda g'oliblikni qo'lga kiritib, 2020 yilda imtiyoz asosida Namangan Muhandislik-qurilish institutiga o'qishga qabul qilingan.

Eslatib o'tamiz, Qozon shahrida o'tayotgan birinchi MDH davlatlari o'yinlari 11 sentyabr kuni yakuniga etadi. Hozirda O'zbekiston sportchilari Rossiya terma jamoasidan keyin ikkinchi o'rinni egallab turibdi.

O'zbekiston Respublikasi mudofaasiga ko'maklashuvchi “Vatanparvar” tashkiloti Matbuot xizmati