Vazir Buxorodagi sport inshootlarining tabiat hodisasidan keyingi holati bilan tanishdi

O'zbekiston Respublikasi Jismoniy tarbiya va sport vaziri Dilmurod Nabiev Buxoro viloyatiga xizmat safari chog'ida vazirlik tizimidagi sport inshootlarining hozirgi holati bilan yaqindan tanishdi.

D.Nabiev Buxoro viloyati jismoniy tarbiya va sport boshqarmasi xodimlari bilan birgalikda hududdagi sport obektlarida bo'ldi. SHu erning o'zida vazir tomonidan kuchli shamol natijasida zarar ko'rgan binolar ko'zdan kechirilib, talofatning oqibatlarini bartaraf etish bo'yicha zarur choralar ko'rish bo'yicha ko'rsatmalar berildi.

Karantin davri tugashi bilan mazkur inshootlarda yana sport mashg'ulotlari va musobaqalar o'tkazilishi boshlanadi. SHu bois tabiiy ofat natijasida zarar ko'rgan binolar holati to'liq o'rganilib, ularni bartaraf etish yuzasidan qayta rekonstrukciya ishlari boshlab yuborildi.