Vazir o'rinbosari O'zbekiston chim ustida xokkey federaciyasiga rais etib saylandi

Unda Sport vaziri Adham Ikramov, Otabek Umarov boshchiligidagi MOQ rahbariyati, Sportning o'yin turlari bo'yicha Respublika oliy sport mahorati maktabi mutasaddilari, federaciya rayosati, faxriylar va murabbiylar shtabi qatnashdi.

Konferenciya kun tartibiga muvofiq, dastavval, federaciya raisi o'rinbosari Rinat Axmadulin tomonidan 2021-2024-yillarda amalga oshirilgan ishlar bo'yicha hisobot taqdim etildi. SHundan so'ng konferenciya doirasida tashkiliy masala ko'rib chiqildi. Unda federaciya Ijroiya qo'mitasi tomonidan Sport vazirining o'rinbosari Karimov Avazjon Qudratullaevich nomzodini mamlakat chim ustida xokkey federaciyasi raisligiga ilgari surildi.

Ishtirokchilar nomzodni bir ovozdan maqullashdi va A.Karimov O'zbekiston chim ustida xokkey federaciyasi raisi etib saylandi. Tadbirda so'z olgan Avazjon Karimov bildirilgan ishonchli oqlashga, kelgusida mamlakatimizda mazkur sport rivojini yanada oshirish yo'lida bor kuchini ishga solishini bildirdi.

SHundan keyin federaciya Bosh kotibi Sanatilla G'ulomnazarov Los-Anjeles-2028 yozgi Olimpiya o'yinlariga tayyorgarlik bo'yicha taqdimot bilan tanishtirdi. Bunda avvalo, mamlakatimiz bo'ylab ushbu sport ommaviyligini oshirish, terma jamoalar uchun kuchli raqiblar bilan o'rtoqlik o'yinlarini tashkil etish, xorijlik murabbiylar jalb etish asosiy maqsad ekanini bildirdi. 

O'z navbatida, Adham Ilhamovich poytaxtimizda qad rostlayotgan Olimpiya shaharchasida 2 ta chim ustida xokkey maydoni qurilayotgani ushbu sport rivoji yo'lida katta turtki bo'lishini qo'shimcha qildi.

Tadbir yakunida Otabek Muhammadalievich jamoaviy sport turlariga yanada ko'proq etibor qaratilishi, mavzkur yo'nalishda Olimpiada yo'llanmalariga ega chiqish ustuvor maqsadlardan ekanini takidlab, federaciyaning yangi rahbariyatiga omad tiladi.