Vazir va Otabek Umarov ishtirokida yangi Olimpiya cikliga tayyorgarlik ishlari muhokama qilindi

Uchrashuvda Sport vaziri Adham Ikramov, Osiyo Olimpiya kengashi vice-prezidenti Otabek Umarov, MOQ Bosh kotibi Oybek Kasimov, Qo'mita raisi o'rinbosarlari Saken Polatov va Azizjon Kamilovlar ishtirok etishdi.

Dastavval, Franciya poytaxti mezbonlik qilgan XXXIII yozgi Olimpiya o'yinlarida O'zbekiston delegaciyasining ishtiroki muhokama qilindi. Unda erishilgan yutuq va yo'l qo'yilgan kamchiliklar tahlil qilinib, zarur vazifalar belgilab olindi. 

Xususan, O'zbekiston Respublikasi Prezidenti SHavkat Mirziyoev 28 avgust kuni sportchi va murabbiylarimiz bilan uchrashuvda yangi Olimpiya cikli uchun belgilab bergan vazifalar ijrosini taminlash masalasi ham ko'rib chiqildi.

Suhbatda Toshkent-2025 yoshlar Osiyo o'yinlariga tayyorgarlik, xususan, O'yinlar dasturi va unga kiritiladigan sport turlarini ko'rib chiqish kun tartibidan o'rin oldi va bu bo'yicha barcha masalalar atroflicha muhokama qilindi.

SHuningdek, Aichi-Nagoya-2026 yozgi Osiyo va Los-Anjeles-2028 yozgi Olimpiya o'yinlariga tayyorgarlik rejalariga ham alohida to'xtalib o'tildi. 

Unda jamoaviy sport turlari va ayollar sportiga yanada ko'proq ahamiyat qaratish, terma jamoalarning moddiy-texnik bazasini yaxshilab, tajribali xorijiy murabbiylarni jalb etish, sportchilarning tibbiy taminotini kuchaytirish kabi mavzular yuzasidan fikr almashildi.