Vaziyat taranglashyapti. Xabib va Umar Merab Dvalishviliga keskin javob qaytarishdi

Gruziyalik aralash yakkakurash ustasi Abu-Dabida muxlislardan birining Umar bilan jang qilishdan nega qochayapsan degan gapiga keskin javob qaytargandi. 

"Nega u ovoz pardasini balandlatib gapiryapti? Hech kim unga baqirib gapirgani yo'q-ku. Haqiqat baqir-chaqir emas, aniq faktlar bilan isbotlanadi", - dedi kichik Nurmagomedov o'zining ijtimoiy tarmoqdagi sahifasida. 

Bu holat engil vaznda sobiq UFC chempioni Xabib Nurmagomedovni ham befarq qoldirmadi. Xabib Umarning amakivachchasi bo'lish barobarida uning murabbiyi ham hisoblanadi. 

"Umar shunchaki raqobatni istayapti. Islam va men uning holatiga tushib ulgurganmiz. Uning hozirgi holati o'tish davri deb ataladi. Vaqt o'tgani sayin hamma sen bilan jang qilishni istab qoladi. SHunchaki, yurishda davom etish kerak", - deya bosiqlik bilan vaziyatga munosabat bildirdi Xabib. 

Bir muddat avval UFC rahbari Dana Uayt Merab Dvalishvili ilk chempionlik himoya jangini Umar Nurmagomedovga qarshi o'tkazishi kerakligini aytgandi. Merabning o'zi SHon O’Melliga revansh berishni xohlamoqda.