Velosportchilarimiz uchun jahon chempionati yakunlandi. Unda birgina Kuskova natija qayd etdi

Musobaqada O'zbekiston terma jamoasi azolari ham ishtirok etdi.

Dastlab, 27 sentyabr kuni Nikita Cvetkov 23 yoshgacha bo'lgan sportchilar o'rtasidagi guruh poygasida startga chiqdi, ammo Parij Olimpiadasida bo'lgani kabi u finishgacha etib kela olmadi.

28 sentyabr kuni jahon chempionati doirasida ayollar o'rtasidagi guruh poygasi tashkil etildi. Unda O'zbekiston terma jamoasi safida SHahnoza Abdullaeva ishtirok etishi oldinroq rasman elon qilingan edi. Qizig'i, Abdullaeva bilan birga avvalroq tarkibdan chiqarilgan Yanina Kuskova ham startga chiqdi.

Yakunda Yanina Kuskova 66-natijani qayd etgan bo'lsa, Abdullaeva poygani oxirigacha etkaza olmadi.

Kecha o'tkazilgan erkaklar o'rtasidagi guruh poygasida esa Dmitriy Bocharov o'z omadini sinab ko'rdi. U ham qolgan velosportchilarimiz singari finishga etib kela olmagan.