01 noy 11:10
Yangiliklar

Futbol

Vinisius “Real” bilan shartnomasini uzaytirganiga munosabat bildirdi

“Real” vingeri Vinisius Junior Madrid klubi bilan shartnomasini 2027 yilgacha uzaytirganidan so'ng o'z his tuyg'ulari bilan o'rtoqlashdi.

“Bu erda o'ynash mening orzum bo'lgan. Men kelgan joydan kelib chiqqan holda, bu darajaga etishish juda qiyin.

“Real Madrid” futbolchisi bo'lish nimani anglatishini so'z bilan ifodalab berolmayman. Mening his-tuyg'ularimni faqat buni boshidan kechirganlar tushunishi mumkin.Men barcha jamoadoshlarim bilan yaxshi munosabatdaman.

Bizni birlashtiradigan narsa shundaki, biz barchamiz dunyoning eng yaxshi klubi vakili bo'lishdan xursandmiz. Vaqt tez o'tib ketmoqda, bu lahzalardan rohatlanish kerak”, — dedi hujumchi.

Vini 2018 yilda, yani, 18 yoshligida "Real" tarkibida debyut qilgandi. 6 mavsum mobaynida futbolchi "qirollik klubi" tarkibida 235 o'yinda qatnashib, 63 gol urdi. Jamoa bilan u 9 sovringa ega chiqdi: ECHL, klublar o'rtasidagi mundialning ikkita sovrini, Evropa Superkubogi, LaLiga va Ispaniya Superkubogidan ikkitadan sovrin va Ispaniya Kubogi.