Vohaning eng mohir merganlari aniqlandi FOTOREPORTAJ

O'zbekiston Respublikasi mudofaasiga ko'maklashuvchi “Vatanparvar” tashkiloti Xorazm viloyati kengashi hamda viloyat texnik va amaliy sport turlari markazi (VTASTM) tomonidan tashkil etilgan mazkur musobaqada 18 ta jamoaning 70 nafardan ziyod sportchisi merganlik mahoratini namoyish qildi.

Pnevmatik miltiqdan o'q otish birinchiligi

Qizlar. 1-o'rin. Laylo Haydarova (VTASTM).   2-o'rin. Kumushoy Rajapova (Urganch tumani O'STK). 3-o'rin. SHahzoda Bahromova (Qo'shko'pir tumani “O'rtayop O'STK).

O'g'illar. 1-o'rin. Temurbek Abdullaev (Urganch tumani O'STK). 2-o'rin. Diyorbek Ochilov (VTASTM). 3-o'rin. Akram Rustamov (Xiva tumani O'STK).

Pnevmatik to'pponchadan o'q otish birinchiligi

Qizlar. 1-o'rin. Gulhayo Ozodova (Urganch tumani O'STK). 2-o'rin. Risolat Qurbonova (Urganch tumani O'STK). 3-o'rin. SHukurjon Adamboeva (SHovot tumani O'STK).

O'g'illar. 1-o'rin. SHohruhxon Yusufboev (Urganch tumani O'STK). 2-o'rin. Bekzod Komilov (SHovot tumani O'STK). 3-o'rin. Samandar Madrimov (Yangibozor tumani O'STK).

Umumjamoa hisobida Urganch tumani  o'quv sport texnika klub jamoasi birinchi o'ringa sazovor bo'ldi. SHovot tumani vakillari ikkinchi, Xiva tumanining merganlari shohsupaning uchinchi pog'onasiga ko'tarilishdi.

Musobaqa yakunida O'zbekiston Respublikasi mudofaasiga ko'maklashuvchi “Vatanparvar” tashkiloti Xorazm viloyati kengashi raisi o'rinbosari Bahodir Muxtorov, viloyat texnik va amaliy sport turlari markazi direktori Odilbek Ibragimov g'olib va sovrindor sportchilarni erishgan muvaffaqiyatlari bilan qutlab, ularni tegishli darajadagi diplom va sovg'alar bilan taqdirlashdi.

Endilikda, Xorazm viloyatining eng yaxshi merganlari 2021 yilning 14-18 aprel kunlari Namangan shahrida o'tkaziladigan O'zbekiston kubogining 2-bosqichida voha sharafini himoya qilishadi.

Ikrom XUDOYBERGANOV, Xorazm viloyatidan