“Voronej-2018”. 13 yoshli Sindarovning muvaffaqiyatli ishtiroki

Ushbu musobaqada 11 davlatdan 131 nafar shaxmatchi ishtirok etdi. To'qqiz tur yakunlariga ko'ra 4 nafar grossmeyster 7tadan ochko jamg'ardi. Qo'shimcha ko'rsatkichlarga ko'ra Dmitriy Kokaryov (2603, Rossiya) chempionga aylandi.

Hamyurtimiz 13 yoshli xalqaro master Javohir Sindorov (2449) esa chempiondan yarim ochkogina kam jamg'arib, sovrinli 5-o'rinni egalladi. Poytaxtlik yosh shaxmatchi 9ta partiyadan 5tasida g'alabaga erishdi. Javohirdan engilganlar orasida xalqaro grossmeysterlar - Pavel Ponkratov (Rossiya, 2622), Aleksey Pridorojniy (Rossiya, 2589), xalqaro master Ilya Ilyushenko (2530, Rossiya) bor. 

Sindarov xalqaro grossmeysterlar - Pavel Potapov (2491, Rossiya), Ivan Popov (2608, Rossiya) hamda xalqaro turnir g'olibi Dmitriy Kokaryov (2603, Rossiya) bilan durang o'ynadi. Ushbu turnirda ishtirok etgan grossmeysterimiz Marat Jumaev 5,5 ochko jamg'arishga muvaffaq bo'ldi. Jumaev Sindarovning ustozi hisoblanadi.