WBA reytingi. Madrimov birinchi o'ringa ko'tarilib oldi

Unga ko'ra, reytingdan olti nafar o'zbekistonlik bokschi o'rin olgan. 

Elon qilingan reytingda Murodjon Ahmadaliev ikkinchi engil vazn toifasida (-55,3 kg) chempion sifatida qayd etilgan. Ahmadaliev shuningdek IBF yo'nalishi chempioni ham hisoblanadi. 

Birinchi yarim o'rta vazn toifasida (-63,5 kg) janglarini olib borayotgan ikki bokschimiz avvalgi oydagi kabi o'rinlarida qolishgan. SHahram G'iyosov olti, SHohjahon Ergashev esa ettinchi pog'onani egallab turibdi. 

Birinchi o'rta vazn (-69,85 kg) toifasida Isroil Madrimov avgust oyida Erik Uolker ustidan qozongan g'alabasidan so'ng birinchi o'ringa ko'tarilib oldi.

Ikkinchi o'rta vazn toifasidagi bokschimiz Bektemir Meliqo'ziev (-76,2 kg) esa 15-o'rindan 14-o'ringa ko'tarildi. U ayni paytda WBA Continental Americas kamari sohibi bo'lib turibdi.  

Yarimog'ir vazn toifasida (-79,3 kg) Rustam To'laganov ham avvalgi oydagidan 1 pog'ona yuqoriladi va 14-o'ringa joylashdi.