WBA reytingi yangilandi. Uch bokschimiz 1-o'rinda!

Ushbu reytingdan o'tgan oyda bo'lgani singari 8 bokschimiz o'rin olgan bo'lib, ularning 3 nafari o'z vazn toifalarida 1-o'rinni egallab turibdi. WBA rasmiy davlati Ukraina deb ko'rsatilgan hamyurtimiz Botir Ahmedov 13-o'rindan 15-pog'onaga pastladi. 

Otabek Xolmatov va Bektemir Meliqo'ziev bir o'ringa ko'tarilib olgan. Otabekka faoliyatidagi yagona mag'lubiyatni taqdim etgan Raymond Ford aksincha, 5-o'ringa tushdi. 

Reytingdagi bokschilarimiz:

Hasanboy Do'smatov - (minimal vazn) 1-o'rin (o'tgan oyda ham 1-o'rin;)

Murodjon Ahmadaliev (birinchi yarim engil vazn) - o'tgan oydagi singari 1-o'rin;

Muhammad SHexov (birinchi yarim engil vazn) - 10-o'rin (o'tgan oyda ham 10-o'rin);

Otabek Xolmatov (yarim engil vazn) - 4-o'rin (o'tgan oyda 5-o'rin edi);

Botir Ahmedov (super engil vazn) - 15-o'rin (o'tgan oy 13-o'rinda edi);

SHahram G'iyosov (yarimo'rta vazn) - o'tgan oydagi singari 1-o'rin;

Isroil Madrimov (super yarim o'rta vazn) - o'tgan oydagi singari 3-o'rin;

Bektemir Meliqo'ziev (super o'rta vazn) - 5-o'rin (o'tgan oy 6-o'rinda edi).