WR Chess Masters. Kecha mag'lub bo'lgan Abdusattorov bugun 6-tur uchrashuvini o'tkazadi (Turnir jadvali+Juftliklar)

Bugun grossmeysterlar 6-turda o'zaro munosabatlariga oydinlik kiritib oladilar. Hamyurtimiz Nodirbek Abdusattorov (2734) tur doirasida hindistonlik Dommardju Gukesh (2718)ga qarshi qora donalarda o'ynaydi. Abdusattorov kecha 5-turda germaniyalik Vinsent Kaymerga imkoniyatni boy berib qo'ygandi. 

Bugungi 6-tur oldidan Nodirbek 5 imkoniyatdan 2 ochko jamg'arib, turnir jadvalida qo'shimcha imkoniyatlarga ko'ra 9-o'rinni egallab turibdi. Oltinchi pog'onadagi Keymerda ham 2 ochko bor. AQSH vakili Levon Aronyan 4 ochko bilan musobaqada peshqadamlikni davom ettirmoqda. Kuchli uchlikni yakunlab turgan Uesli So va Gukesh 3 ochkodan jamg'arishgan.  

WR Chess Masters. 6-tur juftliklari 

Dommaradju Gukesh (Hindiston, 2718) - Nodirbek Abdusattorov (O'zbekiston, 2734)

Yan-Kshishtof Duda (Polsha, 2729) - Vinsent Keymer (Germaniya, 2690) 

Anish Giri (Niderlandiya, 2780) - Rameshbabu Pragnanandxa (Hindiston, 2690)      

Uesli So (AQSH, 2766) - Levon Aronyan (AQSH, 2736)

Yan Nepomnyashhiy (Rossiya, 2793) - Andrey Esipenko (Rossiya, 2675)