Xabib futbol bo'yicha 1998 va 2006 yilgi Jahon chempionatlarining eng yaxshi futbolchisini aytdi

Engil vaznda UFC'ning sobiq chempioni, rossiyalik Xabib Nurmagomedov ijtimoiy tarmoqlardagi sahifasi orqali afsonaviy francuz futbolchisi Zinedin Zidan ishtirokidagi video bilan o'rtoqlashdi.

Nurmagomedov Zidanni garchi bir marotaba, 2006 yilda Germaniyadagi JCHning eng yaxshi futbolchisi maqomiga erishgan bo'lishiga qaramasdan, 1998 va 2006 yilgi JCHlarning eng yaxshi futbolchisi deb atagan. 1998 yil Franciyada bo'lgan Jahon birinchiligining eng yaxshi futbolchisi deya braziliyalik Ronaldo topilgan.

"Ikkita Jahon chempionatining eng yaxshi futbolchisi Zidan", - deya yozib qoldirgan Xabib.