Xabib Nurmagomedov Maxachevning burchagida bo'ladimi? Islamning o'zi javob berdi

Ayni paytda Maxachev chempionlik himoya jangiga tayyorgarlikni davom ettirmoqda. Jang kuni uning jamoadoshi Xabib Nurmagomedov sekundant vazifasini bajaradimi degan savol ko'pchilikni qiziqtirmoqda. Islamning o'zi bu savolga javob berdi. 

"Balki. Keling, hozircha bu mavzuni izohsiz qoldirib turaylik. Ko'ramiz, hamma narsa bo'lishi mumkin. Agar Xabib mening burchagimda bo'lsa, hammasi o'zgacha bo'lar edi", — deya Maxachening so'zlarini keltiradi portal Sport24.

Eslatib o'tamiz, Islam Maxachev uchinchi chempionlik himoya jangini 1 iyun (bizda 2 iyun tongi) kuni AQSHning Nyuark shahrida tashkil etilayotgan UFC 302 turnirida amerikalik Dastin Porega qarshi o'tkazadi. Islam 12 ta g'alabali seriya bilan kelmoqda.