04 iyu 08:04
Yangiliklar

Boks/MMA

Xabib Porega ikki raundni bergan hakamni keskin tanqid qildi

Engil vazn toifasida sobiq UFC chempioni Xabib Nurmagomedov Islam Maxachevga qarshi jangda ikki raundni Dastin Porega bergan hakamga murojaat qildi.

SHon-sharaf Zali azosi hisoblangan Nurmagomedov yana bir afsona Daniel Korme bilan suhbatda hakam Kris Lining yondashuviga to'xtaldi. Bu hakam Islam Maxachevga qarshi kechgan jangda Dastin Porega ikkinchi va to'rtinchi raundlarda g'alaba taqdim etgandi.

"Nima? Menga uning ism sharifini aytib, lokaciyani beringlar!" – deya jahl bilan vaziyatga munosabat bildirgan Nurmagomedov.

Eslatib o'tamiz, Islam Maxachev UFC 302 turnirining markaziy jangida Dastin Poreni beshinchi raundda bo'g'ish usuli bilan mag'lubiyatga uchratgan edi. Bu uning uchinchi chempionlik himoya jangi bo'lgandi.