Xabib Umar Nurmagomedovga murojaat qildi

Umar 3 avgust kuni BAA poytaxti Abu-Dabi shahrida tashkil etiladigan UFC on ABC 7 turnirining markaziy jangida amerikalik Kori Sendxagenga qarshi oktagonga ko'tariladi. 

"Jangga bir oy vaqt qoldi. Kenjamiz, maqsad, manzil yaqin", — deya o'zining ijtimoiy tarmoqdagi sahifasida Umarga murojaat yozib qoldirgan Xabib Nurmagomedov. 

Eslatib o'tamiz, Umar Nurmagomedov shu yil mart oyida o'tkazilgan UFC Fight Night 238 turnirida qozog'istonlik liga debyutanti Bekzat Almaxanni ochkolar hisobiga ko'ra mag'lubiyatga uchratgan edi. Sendxagen esa 2023 yilning avgust oyida o'tkazilgan UFC on ESPN 50 turnirida hamyurti Rob Fontdan ustun kelgandi.