Xalqaro ilmiy-amaliy anjuman o'z ishini boshladi

«Zoom» platformasi orqali onlayn tarzda tashkil etilgan anjumanni universitetning Ilmiy ishlar va innovacityalar bo'yicha prorektori Kamil Bayazitov ochib berdi va boshqarib bordi.

Onlayn o'tkazilgan xalqaro anjumanda respublikamizdagi ko'pgina oliy talim muassasalari, ilmiy-tadqiqot markazlari, talim muassasalari olimlari, izlanuvchilar bilan birgalikda AQSH Barbent Og'ir atletika musobaqlarini tahlil qilish agentligi (Mayk Graber), Rossiya jismoniy tarbiya va sport ilmiy-tadqiqot instituti (SHiyan Viktor Vladimirovich), Hindistondagi jismoniy tarbiya va sport Britaniya maktabi (Sachin Baranval), Hindiston engil atletika federaciyasi (Arjun Singx), Ispaniya olimpiya sportchilarini tayyorlash markazi (Marko Sisko), Tanzaniya yuqori malakali sportchilarni tayyorlash instituti (CHarles Maguzu) kabi nufuzli ilmiy va sport muassasalaridan etakchi mutaxassislar o'z maruzalari bilan ishtirok etdi.

Anjumanda Olimpiya va Paralimpiya o'yinlariga zamonaviy sport tayyorgarligining dolzarb muammolari, Olimpiya va Paralimpiya o'yinlariga yuqori malakali sportchilarni tayyorlashning ijtimoiy-psixologik muammolari, Olimpiya va Paralimpiya o'yinlariga yuqori malakali sportchilarni tayyorlashning tibbiy-biologik muammolari hamda Olimpiya va paralimpiya zaxiralarini rivojlantirish muammolari va istiqbollariga bag'ishlangan maruzalar o'qildi.

Ilmiy anjuman ertaga ham o'z ishini davom ettiradi.

O'zDJTSU matbuot xizmati