Xalqaro konkichilar ittifoqi rossiyalik sportchilarga Olimpiada saralashida ishtirok etishga ruxsat berdi, faqat bir shart evaziga

Qaror ISU kengashida qabul qilingan.

2025 yil 1-28 fevral kunlari oralig'ida Rossiya figurali uchish federaciyasi hamda Rossiya konkida uchish ittifoqi figurali uchish, konkida uchish va short-trek bo'yicha har bir dasturda bir nafardan sportchini taqdim etishi mumkin bo'ladi.

Eslatib o'tish joiz, rossiyalik sportchilar 2022 yildan buyon figurali uchish, short-trek va konkida uchish bo'yicha xalqaro musobaqalardan chetlashtirilib kelinayotgandi.

ISU rasmiy xabariga ko'ra, rossiyalik jami olti nafar figurali uchuvchilar Olimpiya o'yinlari saralashida ishtirok etish huquqiga ega. 

Konkida uchish sport turida esa har bir masofaga bittadan, jami 12 nafar sportchi qatnashishi mumkin. SHort-trekda olti kishiga ruxsat beriladi.

SHu tariqa, jami 24 nafar rossiyalik sportchi 2026 yilgi qishki Olimpiada o'yinlari saralashida ishtirok etishi mumkin bo'ladi.

Malumot o'rnida, figurali uchish bo'yicha kvalifikacion turnir 2025 yilning 17-21 sentyabr kunlari Xitoyning Pekin shahrida o'tkaziladi. Unda sport juftligi yo'nalishida O'zbekiston terma jamoasi azolari Ekaterina Geynish hamda Dmitriy CHigirev ham ishtirok etishi mumkin.