Xalqaro ot sporti federacisi rahbari Toshkentda

Martabali mehmonga tashrifi davomida Rossiya ot sporti federaciyasi rahbari Marina Sechina hamrohlik qilmoqda. 

Ingmar de Vos poytaxtimizdagi ot sportiga ixtisoslashgan qator obektlarini ko'zdan kechirdi. Ayniqsa, “Universal Jumping Agro” ot sporti klubida o'tayotgan yoshlar o'rtasidagi xalqaro musobaqa sovrindorlarini uning o'zi taqdirlagani yoshlar uchun chinakam motivaciya bo'ldi.

 Xalqaro tashkilot rahbari yurtimizda ot sportini rivojlantirishga yaratib berilgan sharoitlarga yuqori baho berdi. SHuningdek, janob de Vos sohani yanada rivojlantirish, otlar parvarishi va ularning noyob zotini yurtimizda ko'paytirish bo'yicha o'z maslahatlarini ham bildirib o'tdi. 

Ayni paytda yurtimizda 15 ta ot sporti klubida 100 ga yaqin professional chavandozlar shug'ullanib kelmoqda. Poytaxtimizdagi Ippodrom bazasida o'tgan suhbat davomida Qorabayir zotli otlarni ko'paytirish, ularni xalqaro musobaqalarga tayyolash mavzusiga alohida etibor qaratildi.