Xalqaro shaxmat akademiyasida "Toshkent yozi" reyting turniri yakunlandi FOTOGALEREYA

To'qqiz tur yakunlariga ko'ra, Abdulaziz Qurbonov “A” guruhida 1-o'rinni egalladi. Keyingi o'rinlar Akbarali Abduhakimov va Komiljon Azizovlarga nasib etdi. SHohina Ahmedova qizlar o'rtasida g'oliblik shohsupasining eng yuqori pog'onasidan joy oldi.

Faxriylar o'rtasida kechgan bellashuvlarda Abdug'affor Odilboevga hech kim tenglasholmadi. Rauf Qosimov (12 yoshgacha) bilan SHerali Ravshanov (16 yoshgacha) ham o'z guruhlarida peshqadam bo'ldi.

“B” guruhida Biloliddin Obidov g'oliblikni qo'lga kiritdi. 2-o'rinni Alan Isaev egallagan bo'lsa, 3-o'rin  SHahzod Toshtemirovga nasib etdi. Bunyod Sobirjonov va Ezozbek Mahmudovlar ham o'z guruhlarida g'olib bo'lishdi. Qizlar o'rtasida o'tgan bahslarda Aleksandra Yurchenko, Mohinaxon Karimova va Nilufar Mahmudovalarning qo'li baland keldi.

Alimurod MAMADAMINOV, o'z muxbirimiz