Xalqaro yig'in doirasida yulduzlar ishtirokida kichik turnir o'tkazildi FOTOGALEREYA

O'zbekiston dzyudo federaciyasi qoshidagi Dzyudo markazida o'tkazilayotgan mashg'ulotlarda mamlakatimiz sportchilari bilan birga Gruziya, Franciya, Qirg'iziston va Misr terma jamoalari ishtirok etayotgandi. Ulardan yon qo'shnilarimiz mashg'ulotni yakunlab, Bishkekka jo'nab ketishdi. 

Kecha xalqaro mashg'ulot doirasida O'zbekiston va Misr terma jamoalari o'rtasida o'ziga xos musobaqa o'tkazildi. Unda uch karra Olimpiya o'yinlari sovrindori Rishod Sobirov, Olimpiadaning kumush medal sohibi, jahon chempioni Abdulla Tangriev, taniqli polvonimiz SHerali Jo'raev kabi dzyudochilarimiz ham o'z mahoratlarini namoyish etishdi. Bellashuvlarni kuzata turib, oltin zanglamas degan aqida naqadar to'g'ri ekaniga yana bir bor amin bo'ldik. Bellashuvlarda xalqaro toifadagi IJF referilarimiz Ramziddin Saidov va Vyacheslav Pereteyko hakamlik qilishdi.  

Ushbu tadbirni O'zbekiston Milliy olimpiya qo'mitasi prezidenti Rustam SHoabdurahmonov, MOQ vice-prezidenti, O'zbekiston dzyudo federaciyasi raisi Azizjon Kamilov kuzatib bordi. Kichik turnir yakunida O'zbekiston dzyudo federaciyasi tomonidan mehmonlarga esdalik sovg'alari taqdim etildi.