Xanchjou-2022, Parij-2024: Tanzila Norboeva va Aziz Abduhakimov velosportchilarimizning tayyorgarlik rejalari bilan tanishdi

Unda O'zbekiston Respublikasi Oliy Majlis Senati raisi, O'zbekiston velosiped sporti federaciyasi raisi Tanzila Norboeva, O'zbekiston Respublikasi Bosh vazirining o'rinbosari, Turizm va sport vaziri Aziz Abduhakimov, shuningdek, O'zbekiston velosiped sporti federaciyasi mutasaddilari ishtirok etishdi.

Dastavval federaciya bosh kotibi Kozim O'rinboyxo'jaev Xanchjou-2022 Osiyo va Parij -2024 Olimpiya o'yinlariga tayyorgarlik yuzasidan amalga oshirilayotgan ishlar xususida malumot berdi.

Milliy terma jamoa azolarini mazkur kompleks musobaqalarga tayyorlash uchun taklif etilgan va ayni paytda mamlakatimizda bo'lib turgan Rossiya terma jamoasining sobiq treneri, 2011 yildan 2020 yilgacha Amerikaning «Novo Nordisk» professional jamoasi murabbiyi bo'lgan Gleb Groysmanning takliflari tinglandi.

Mutasaddilar velosportchilar uchun qulay shart-sharoitlar yaratish, mavjud muammolarni bartaraf etish hamda sportchilarga motivaciya bo'ladigan dastur va loyihalarni ishlab chiqish zarurligini takidlashdi. Musobaqalarga tayyorgarlik jarayonlarida xalqaro tajribadan foydalanish lozimligi ham alohida aytildi.

Yig'ilishda, shuningdek, Parij-2024 Olimpiya o'yinlariga munosib tayyorlanish va licenziyalar sonini ko'paytirish uchun tashkil etilgan professional klubning taqdimoti ham o'tkazildi.