Xanchjou-2022 tashkiliy qo'mitasi Osiyo Olimpiya Kengashiga 30000 niqob hayriya qildi

OOK niqoblarni Quvaytdagi xodimlari, shuningdek sport hamjamiyatiga tarqatadi. Qolgan niqoblar Quvayt Sog'liqni saqlash vazirligiga, bemorlarni yuqumli kasallikdan davolayotgan boshqa tibbiyot xodimlariga beriladi. OOKning Bosh direktori Xusayn al-Musallam Xanchjou-2022 Osiyo o'yinlari tashkiliy qo'mitasiga hozirgi og'ir sharoitda OOKni qo'llab-quvvatlaganlari hamda sahiyliklari uchun minnatdorchiligini bildirgan.

– Bu ajoyib do'stona tuhfa uchun rahmat, – deb yozgan o'z maktubida Xusayn al-Musallam. – 30000 niqobning hayriya qilinishi bizning tashkilotlarimiz, shuningdek Xitoy va Quvayt xalqlari o'rtasidagi birdamlik ruhini anglatadi. Biz bu niqoblar COVID-19 ning tarqalishi bilan kurashda Quvaytdagi sport hamjamiyati va tibbiyot xizmatlarida eng yaxshi tarzda ishlatilishiga harakat qilamiz.

Men Xanchjoudagi Osiyo o'yinlarining rasmiy shiori haqiqatan ham bizning alohida munosabatlarimiz va yurakdan yurakka o'tadigan do'stlikni ifoda etishiga ishonchimi komil.

Janob Xusayn al-Musallam OOK yaqin orada Xitoy sharqidagi CHjeczyan provinciyasining Xanchjou shahriga borishi va 2022 yil 10-23 sentyabrda bo'lib o'tadigan 19-Osiyo o'yinlarini rejalashtirish va bu rejalarni amalga oshirish bo'yicha birgalikdagi ishlarini boshlashiga umid qilayotganligini ham bildirdi.