"Xanter" Ishimbaev: "Xamzatga tayyorgarlik ko'rgandim, Qurbonov ham jiddiy raqib"

Ushbu to'qnashuv Ufada bo'lib o'tadigan Prime FL turnirining markaziy voqeasi bo'ladi. Dastlab Ishimbaevning raqibi "Maestro" laqabli Xamzat Kuriev bo'lishi kerak edi. Jangga bir haftacha qolganida jarohat sabab Xamzat safdan chiqdi. Ishimbaev raqib almashinuviga bo'lgan munosabatini shunday bildirdi.

"Xamzatning jangdan chiqib ketishi meni deyarli ajablantirmadi. Hozirgi vaziyat shunaqa... Hammasi tez-tez o'zgarib turibdi. Ochig'ini aytaman – bizning bo'lajak qarama-qarshiligimizdan xursand edim, chunki bu jang yangi dolzarblik kasb etayotgandi. Ikki uslub jihatidan kuchli jangchi, jang juda qizg'in o'tardi. Bu 100 foiz. Qurbonovda meni birinchi navbatda uning gavdasi o'ylantirdi. Vazn hatto 84 kg emas (bu vazn ko'p jihatdan meniki ham emas), uniki esa, chamasi, 93 kg dan yuqori. Ammo barcha ijobiy va salbiy tomonlarini o'ylab ko'rib, rozi bo'ldim. Vaqt kam, yarim yil jang qilmadim, sog'inib qoldim. U bilan ehtiyotkorroq bo'laman, og'ir vaznli jangchining zarbalarini o'zimda his qilishni istamayman. Qolaversa, bu xalqaro qarama-qarshilik. Bu ham yaxshi", — dedi Ishimbaev.

Ishimbaev g'alaba qozongan taqdirda, qo'lqopsiz janglar tarixida ilk bor ikki vazn toifasida chempion bo'lgan sportchiga aylanadi. "Xanter" ayni damda Prime FL ligasining yarim o'rta vazn (77 kg gacha) toifasidagi chempioni hisoblanadi.