Xarbin qishki Osiyo o'yinlari ishtirokchilarini chorlaydi

SHu munosabat bilan 23-25 sentyabr kunlari Xarbinda bo'lajak musobaqa oldidan delegaciya vakillari uchun seminar tashkil etildi. Unda O'zbekiston Milliy Olimpiya qo'mitasi xodimlari ham qatnashishdi.

Seminarda tashkiliy qo'mita O'yinlarni o'tkazish bo'yicha batafsil malumot berdi. Xitoy tomoni bellashuvlar Xarbin va Yabuli shaharlarida tashkil etilishi bildirdi. Rejaga ko'ra, Xarbinda muz ustida kechadigan bahslar o'tkazilsa, Yabulida ochiq havodagi bellashuvlar tashkil qilinadi.

Seminar davomida mehmonlar musobaqa o'tkaziladigan obektlar, delegaciya azolari yashaydigan mehmonxonalarga tashrif buyurib, yaratiladigan sharoitlar bilan tanishdi.

Qayd etish joiz, O'yinlar davomida tashrif buyuruvchilar uchun turli ko'ngilochar dasturlar tashkil etilishi ham rejalashtirilgan. Ulardan biri har yili Xarbinda o'tkaziladigan muz haykallar festivali bo'lib, bu O'yinlarning alohida tashrif qog'oziga aylanishi kutilmoqda.