19 may 12:46
Yangiliklar

Tennis

"Xayrli kech, Parij!". Nadal "Rolan Garros-2022"dan ilk surat joyladi + FOTO

Teglar : Rafael Nadal

"Katta Dubulg'a" turnirlarining 21 karra chempioni, jahonning sobiq birinchi raketkasi Rafael Nadal "Rolan Garros-2022"dan ilk surat elon qildi.

"Xayrli kech, Parij! Qaytganimdan xursandman", - deya surat ostida izoh qoldirgan Nadal.

35 yoshli Rafa Franciya Ochiq chempionatining 13 karra g'olibi hisoblanadi. U 2020 yil Parijda hozircha so'nggi chempionligini qo'lga kiritgan. Serbiyalik Novak Jokovich esa musobaqaning amaldagi chempioni hisoblanadi.

2021 yilgi "Rolan Garros" yarim finalida Nadalni aynan Jokovich to'xtatgan edi. Novak Rafaelni 3/6, 6/3, 7/6 (7/4), 6/4 hisobida mag'lub etib, musobaqadan chiqarib yuborgandi. O'shanda uchrashuv to'rt soatdan ortiq davom etgandi.

Eslatib o'tamiz, "Rolan Garros"ning asosiy bahslari 22 maydan 5 iyunga qadar bo'lib o'tadi. Bugun, 19 may kuni turnirga qura tashlash marosimi bo'lib o'tadi.